Ош технологиялык университетинин академик Б.Мурзубраимов атындагы Өзгөн технологиялык жана билим берүү институтунда бүтүрүүчү курстардын студенттеринин ортосунда мамлекеттик сынактарга даярдыкты күчөтүү максатында «Акыл ордо» интеллектуалдык оюн-мелдеши болду.

Мелдеште студенттер мамлекеттик сынактардын суроолору боюнча теориядан, практикадан алган билимдерин оюн-мелдеште сынашты.

Жыйынтыгында «Эсептөө техникасын жана автоматташтырылган системаларды программалык камсыздоо» адистигинин студенттеринин командалары 1-2-орундарды жана «Башталгыч класстарда окутуу» адистигинин студенттери 3-орунду камсыз кылышып, баалуу сыйлыктарга ээ болушту.

Оюн-мелдеш студенттердин концерттик программасы менен коштолду.