2022-жылдын 15-сентябрында К.Тыныстанов атындагы ЫМУнун алдында уюшулган «Каракол кайрыктары» жаш акындар клубунун мүчөлөрү КРнын Мамлекеттик тил мыйзамынын кабыл алынгандыгынын 33 жылдыгына карата адабий-музыкалык кече өткөрүштү.
Быйылкы окуу жылына жаш акындардын саны арбып, Каракол шаарындагы башка окуу жайда окуган ыр жазууга шыктуу, таланттуу балдар-кыздар да кошулушту.
Иш-чарада кыргыз тилинин баалуулугун даңазалаган автордук ырлар окулуп, «тилибизди, дилибизди барктайлы» деген ойлор ортого салынды.