28-октябрь күнү Кадамжай районундагы А.Навои атындагы №33 орто мектебинде күз майрамына карата «Берекелүү алтын күз» деген темада иш-чара өткөрүлдү. Бул тууралуу аталган мектептен билдиришти.

Мектептин окуучулары жашылча-жемиштерден ар түрдүү боюмдарды жасашып, сүрөт тартышып, өз өнөрлөрүн көрсөтүштү.

«Мыкты композиция», «Мыкты сүрөт» номинациялары боюнча сынак болуп, жеңүүчүлөр аныкталды.

Жыйынтыгында 5-«В», 2-«А», 10-«А» класстары «Мыкты композиция» боюнча алдыга чыгышты. 9-«Б», 7-«Б» жана 5-«А» класстардын окуучулары «Мыкты сүрөт» номинациясында байгелүү орундарды камсыз кылышты.

Жеңүүчүлөргө мектеп администрациясы тарабынан грамоталар жана белектер тапшырылды.