Ош технологиялык унверситетинде технология жана жаратылышты пайдалануу факультетинин 1-курстары үчүн «Тушоо кесүү» аземи өткөрүлдү.
Салтка айланган майрамдык салтанат бул жылы дагы 1-курстардын факультетке кабыл алынышын куттуктоо менен башталып, жаштарга арналган жагымдуу ыр-бийлер менен коштолду. Майрамдык жыйынга университет жетекчилиги, факультеттин жалпы жамааты жана студенттер катышты.
1-курстарды кабыл алуу аземи жаңыдан окуу жайдын босогосун аттап, чоң турмушка карай сапар алган жаштарга студенттик жылдар, университет, адистик, кесип жана башка аларга тиешелүү болгон бардык маалыматтарды берип, аларга келечекке багыт берүү максатында жыл сайын уюштурулуп келет.