11-ноябрда И.Арабаев атындагы Кыргыз мамлекеттик университети Билим берүү жана илим министрлиги менен бергеликте Илим күнүнө карата «Билим берүүдөгү илимий инновациялык тенденциялар» аттуу кереге-кеңеш өткөрдү.

Иш-чарага билим берүү жана илим министринин орун басары Расул Абазбек уулу, КМУнун ректору Айгүл Абдраева, Улуттук илимдер академиясынын, Улуттук аттеттациялык комиссиясынын өкүлдөрү, жогорку окуу жайлардын ректорлору ж.б. катышышты.

Кереге-кеңештин жүрүшүндө баяндамалар жасалып, «Кыргызстандагы Университет 4.0 жараянынын азыркы абалы жана келечеги», «Билим берүүдөгү илимий инновациялык тренддер» темалары талкууланды.

Ошондой эле иш-чарада илимий көргөзмө орун алды.

Кереге кеңештин соңунда Билим берүү жана илим министрлигинин «Илимдин мыктысы» жана «Билим берүүнүн мыктысы» төш белгилери менен сыйлоо аземи болду.