Ош технологиялык университетинде профессордук-окутуучулук курамдын ортосунда факультеттер аралык футбол оюну өткөрүлдү.

Спорттук иш-чара ОшТУнун профессордук-окутуучулук жана кызматкерлер ортосундагы XV спартакиадасынын алкагында уюштурулду. Оюнду өткөрүүнүн негизги максаты адамдар ортосундагы ынтымакты, достукту бекемдөө, жамааттын маданий эс алуусун уюштуруу, дени сак жашоого үндөө болуп саналат.

Оюнга жалпысынан 8 команда катышып, университеттин Дене тарбия кафедрасынын окутуучулары калыстык кылышты.

Жыйынтыгында 1-орунга административдик башкаруу кызматкерлеринин командасы, 2-орунга архитектура жана курулуш факультетинин командасы, ал эми 3-орунга Өзгөн технология жана билим берүү институтунун командасы ээ болушту. Байгелүү орундарды камсыз кылган командаларга жана мыкты оюн көрсөткөн оюнчуларга дипломдор, грамоталар, баалуу белектер жана акчалай сыйлыктар тапшырылды.