Ош технологиялык унверситетинде кибернетика жана маалымат технологиялар факультетинин лингвистика, компьютердик лингвистика багытында билим алып жаткан 1-курстар үчүн «Тушоо кесүү» аземи өткөрүлдү.

Салтка айланган майрамдык салтанат бул жылы да 1-курстардын факультетке кабыл алынышын куттуктоо менен башталып, жаштарга арналган ыр-бийлер менен коштолду. Майрамдык жыйынга университет жетекчилиги, факультеттин жалпы жамааты жана студенттер катышты.

1-курстарды кабыл алуу аземи жаңыдан окуу жайдын босогосун аттап, чоң турмушка карай сапар алып бара жаткан жаштарга студенттик жылдар, университет, адистик, кесип жана башка аларга тиешелүү болгон бардык маалыматтарды берип, аларга келечекке багыт берүү максатында жыл сайын уюштурулуп келет.