Ош технологиялык университетине Ош шаарындагы СПИД борборунун өкүлдөрү келишип, студенттерге бул оору тууралуу кеңири маалыматтарды беришип, түшүндүрүү иштерин жүргүзүштү.

Уккандын денесин үшүткөн бул оору менен акыркы убактарда жаштар көбүрөөк ооруп жаткандыгына байланыштуу аларга түшүндүрүү иштерин жүргүзүп, оорунун алдын алуу, аны адамдар арасында жайылтпоо максатында көптөгөн иштер аткарылып келет.

СПИД — иммундук тутумдун жок кылынышынан улам организмдин коргоо күчү солгундай турган патологиялык абал, абдан коркунучтуу жугуштуу оору ВИЧ-инфекциянын (адамдын иммун таңсыктыгынын вирусу козгоочу дарт) акыркы чеги болуп саналат.