Билим берүү жана илим министри Уланбек Мамбетакунов иш сапары менен Ош мамлекеттик педагогикалык университетинде болуп, жамаат менен жолугушту.

Жолугушууда министр алгач билим берүу тармагында аткарылып жаткан иш-аракеттерге токтолду. Ошондой эле өкмөт тарабынан педагогикалык багыттагы адистиктердин, мугалимдердин кадыр-баркын көтөрүүгө өзгөчө көңүл бурулуп, анын үстүндө кызуу иштер жүрүп жатканын баса белгиледи. Ошол кадамдардын негизинде ОшМПУнун профессордук-окутуучулар курамы менен пикир алмашып, сунуштарын укканы келгенин билдирди.

Жолугушуунун жүрүшүндө катышуучулар тарабынан сунуш-пикирлер айтылып, суроо-жооп менен коштолду.

Министрдин иш сапары Баткен облусунда уланып, андагы билим берүү мекемелери менен танышмакчы.