10-декабрь — Адам укуктарын жана эркиндиктерин коргоо күнүнө карата ЫМУнун ага окутуучу Ч.Сооронбаева ЫМУнун #Digikonush санарип көндүмдөр борборунда иш-чара уюштурду.

Семинарга КР акыйкатчысынын Ысык-Көл областындагы өкүлү ОТамаев, Ысык-Көл облустук ИИБдин начальниги К.Джумагазиев, Кыйноолордун алдын алуу борборунун Ысык-Көл облусундагы өкүлү Т.Сарыбаев, укук коргоочулар, журналисттер, студенттер, окутуучулар катышты.

Семинардын 1-сессиясы адам укуктары, миграция, сервистик тейлөө, кыйноолордун алдын алуудагы иш-чаралар ж.б. укуктук, мыйзамдык аракеттер тууралуу маалыматтар берилди. 2-сессияда доцент Д.Боконтаева тарабынан дебат тобунун студенттери менен «Кыргызстанда адам укуктары мыйзамдуу түрдө корголобу?» деген темада дебат өткөрүлдү. Студенттер ойлорун ортого салышты.

Жыйынтыгында дебатка катышкан студенттер ЫМУнун ыраазычылык баракчасы менен сыйланышты.