ОшТУнун «Бизнести башкаруу жана социалдык иштер» багытынын студенттери Түштүк Урал мамлекеттик университети тарабынан уюштурулган эл аралык сынакта 1-орунга ээ болушту.

Аталган сынак «Твой мир – твой проект» («Сенин дүйнөң – сенин долбооруң») деп аталып, КМШга мүчө мамлекеттерден 58 жогорку окуу жайдын студенттеринен куралган командалар катышты. 

ОшТУнун студенттери «Дом студента» долбоорун жазышып, сынакка 2 тур менен сунуш кылышты. 2 турдун жыйынтыгы менен сынакка кабыл алынып, Россиянын Челябинск шаарындагы Түштүк Урал мамлекеттик университетинде өткөн жыйынтыктоочу турунда 58 долбоордун ичинен «Проект и его презентация» номинациясы боюнча 1-орунга ээ болушту.

Команданын жетекчиси — «Бизнести башкаруу жана социалдык иш» кафедрасынын доценти Кожомбердиева Насипахон, ал эми команданын капитаны — УБ-1-21 тайпасынын студенти Назаркулова Айзирек.

Жеңишке жеткен студенттерди ректор Ж.Турсунбаев кабыл алып, мындан аркы окууларына ийгилик каалап, окуу жайдын намысын коргоодо ар дайым чоң жетишкендиктердин ээси болушуна тилектештигин билдирди.