Ош технологиялык университетинде 9-11-класстардын окуучулары арасында сынак болуп өттү.

«Үй-бүлөлүк бюджетти сарамжалдуу пайдалануу: Кыргыздын тойлорун жана үрп-адаттарын ыраатташтыруу боюнча ойлор жана толгоолор» аттуу эссе сынагы экономика жана башкаруу факультетинин экономика жана финансы кафедрасы тарабынан уюштурулуп, жыйынтыгы чыгарылды. Бул сынак ысырапкорчулукту жоюу, финансылык сабаттуулукту жогорулатуу жана үй-бүлөлүк бюджетти сарамжалдуу пайдалануу максатында өткөрүлүп, Ош шаарынан жана райондордон мектеп окуучулары катышты.

Жыйынтыгында 1-орунду «Билим» лицейинин окуучусу Молдошбеков Ханмырза, 2-и орунду №33 С.Алыкулов атындагы мектебинин окуучусу Токтосинова Сезимгүл, ал эми 3-орунду №29 И.В.Панфилов мектеп-гимназиясынын окуучусу Шукуркулова Муслимай камсыз кылышты.

Жеңүүчүлөр уюштуруучулар тарабынан акчалай жана баалуу белектер менен сыйланышты.