Казакстандын Астана шаарында 10-13-февраль күндөрү жабык имаратта жеңил атлетика боюнча X Азия чемпионаты өтөт. Чемпионатка КРнын жеңил атлетика боюнча улуттук курама командасынын катарында ОшМУнун спорт клубунун төрагасы, Ош шаарынын дене тарбия жана спорт комитетинин №1 жаштар, өспүрүмдөр спорт мектебинин жеңил атлетика боюнча машыктыруучусу Алмазбек Казыбеков машыктыруучу катары өзү даярдап келген 3 спортчусу менен катышып жатат.
Спортчулардын курамында ОшМУнун 2 бүтүрүүчүсү да бар.
«Даярдыктарыбыз, буюрса, жакшы. Эң башкысы — мелдештер өтүүчү арена, балдарга, мага да шарттары абдан жакты, учурда машыгууларды өткөрүп жатабыз», - деди Алмазбек Казыбеков.
Жеңил атлетика боюнча X Азия чемпионатына 31 өлкөнүн 500дөн ашуун спортчулары катышууда