И.Раззаков атындагы Кыргыз мамлекеттик техникалык университетинин квалификацияны жогорулатуу борборунан «Инженердик педагогика» программасы боюнча 80 сааттык көлөмдө курс уюштурулду.

Иш-чара онлайн түрүндө өткөрүлүп, ОшТУнун 79 профессордук-окутуучулук курамы билимдерин жогорулатышты. Мында жогорку билим берүүдөгү психология, жогорку мектептеги педагогика, жогорку окуу жайларда илим изилдөө иштерин уюштуруу жана электрондук тармактагы маалыматтык-коммуникациялык технологияларды колдонуу темаларынын негизинде катышуучуларга КМТУнун профессорлору, тренерлери маалыматтарды беришти.

Курстун жыйынтыгында бардык катышуучуларга сертификаттар тапшырылды.