Бишкек шаарындагы Корея билим берүү борбору тарабынан уюштурулган сынакта ОшТУнун Корей борборунун билим алуучулары Абдурасулова Нурпери жана Осмонова Зулайка 1-орунду камсыз кылышты.

Сынак 14-апрелде Бишкек шаарында өткөрүлүп, өлкөнүн бардык аймактарынан келген корей тилин үйрөнүүчүлөр чечендик өнөр боюнча күч сынашты.

Корей борбору ОшТУда мындан бир топ жыл мурун ачылып, корей тилин студенттерге, окуучуларга үйрөтүүдө көптөгөн иштерди аткарып келет. Бул борбордон билим алган студенттер республикалык ыр сынактарда бир нече жолу жеңүүчү болуп, байгелүү орундарды камсыз кылышкан. Ошондой эле бул борбор аркылуу студенттер Түштүк Корея мамлекетине мобилдүүлүк программасы боюнча билимдерин улантып жатышат.