«Багыт» академиясынын билим алуучулары Ош шаарындагы түштүк аймагы боюнча балдарды жана үй-бүлөнү калыбына келтирүү атайын адистештирилген борборуна барышып, белектерин тапшырышты. Балдардын ден соолугун калыбына келтирүүдө вирусту өлтүрө турган рецеркулятор, акыл-эсти өстүрүүчү электрондук шаймандарды борборго белек кылышты. Мындан сырткары, балдарга оюнчук жана шириндиктер таратылды.

«Багыт» академиясы 2021-жылы Гуманитардык-технологиялык колледжинин кыргыз тили жана адабияты окутуучусу Надилбек кызы Бегимай тарабынан түзүлгөн. Академияда студенттерге аксиология, психология илими, кыргыздын нарктуулугун таануу, өзүн өзү өнүктүрүү, акыл эмгек маданияты боюнча акысыз сабактар берилет. Учурда 200гө жакын студент билим алат.