Ош технологиялык университетинин Корей борборунун окутуучусу Лим Ён Шигге «ОшТУнун ардактуу профессору» наамы ыйгарылды.

Окуу жайдын ректору Ж.Турсунбаев Лим Ён Шигдин ОшТУда көп жылдан бери үзүрлүү эмгектенип келе жатканын, агайдын демилгеси менен эки өлкөнүн ортосунда билим берүү багытында көптөгөн иштер аткарылгандыгын белгилөө менен өзүнүн жана жалпы жамааттын атынан ыраазычылык билдирди.

Университетте Лим Ён Шиг көп жылдан бери эмгектенип, корей тилин үйрөнүүнү каалаган бардык студенттерге жана окуучуларга тил үйрөтүп, эки өлкөнүн ортосунда жогорку окуу жайлар арасындагы академиялык мобилдүүлүк боюнча иштерди аткарып келет. Кыргыз тилинде эркин сүйлөп, обондуу кыргыз ырларын аткара алат.