Б.Турусбеков атындагы Кыргыз мамлекеттик дене тарбия жана спорт академиясынын ректору, т.и.к., доцент, олимпиадалык калыс С.Азизбаев Кыргызстанга келген олимпиадалык категориядагы калыстар — монголиялык​ Алтангадас Батулга жана тайпейлик Чун Вей Куан, Чин Шан Су, ошондой эле академиянын күрөш кафедрасынын окутуучуларына калыстар үчүн семинар өткөрүүгө Өзбекстандан келген Тоймурод Адизов менен жолугушуу өткөрдү.

Келген коноктор академиянын ишмердүүлүгү менен таанышып, Монголиянын дене тарбия жана спорт багытындагы жогорку окуу жайлары менен кызматташуу, алардын ичинде окутуучулар жана студенттер аркылуу тажрыйба алмашуу​ жаатында​ пикир алышуулар болду.

Мындан сырткары, келген коноктор академиянын бүтүрүүчүлөрү менен да жолугушуп, билим берүүнүн сапаты, кесипке багыт берүү, студенттик учурдагы спортту өнүктүрүүнүн мааниси жана келечеги тууралуу кеңири сөз болуп, эстеликке сүрөткө түшүштү.