18:53 7 июля 2023

Ысык-Көлдө ОшМУнун «Изилдөө усулдарын окутуу» курсу боюнча жайкы окуу жүрүп жатат

ОшМУнун илимий-изилдөө бөлүмү тарабынан Ысык-Көлдө «Изилдөө усулдарын окутуу» курсу боюнча «Жайкы мектеп» уюштурулду.

Иш-чарага окуу жайдын 32 окутуучусу катышып жатат.

Катышуучулар тренерлер Казакстандын Сулейман Демирел университетинин илимий-изилдөөлөр боюнча проректору Кайрат Молдашев, Назарбаев университетинин Билим берүү жогорку мектебинин профессору Дүйшөн Шаматов жана Борбордук Азиядагы Америка университетинен социалдык изилдөөлөрдүн методологиялары, маалыматтарын иштеп чыгуу жана талдоо боюнча адиси Мехригүл Аблезова жана Эркин өнөр жана илимдер факультетинин деканы Данияр Карабаевдерден билим алышат.

Курстун катышуучулары изилдөө усулдары боюнча негизги түшүнүктөр, теориялар, принциптер, сапаттык, сандык жана аралаш методдорду боюнча маалымат алышып, изилдөө процесси, максаты, суроолору, изилдөөнүн дизайны, маалымат чогултуу жана талдоо, изилдөө этикасы, жана башка темалар боюнча билим, тиажрыйба алышат.

Окутуучулар «Жайкы мектепте» каралуучу темаларды өз дисциплиналарына ылайыкташтырып, курстун аягында ар бири өзүнүн тармагына ылайык изилдөө методдору боюнча курстун силлабусун иштеп чыгышат.

ОшМУнун магистратура жана PhD докторантурасында илимий-изилдөө методикасы боюнча курстардан өткөн же өтө турган окутуучулардын билимин терендетүү максатында уюштурулган жайкы мектеп 3-июлдан 8-июлга чейин уланат.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

up

Закрыть Закрыть