17:00 19 декабря 2023

ОшТУда стартап марафону өткөрүлдү

Ош технологиялык университетинин студенттери уникалдуу идеялары менен «Новациядан – инновацияга карай» стартап аянтчасына чогулушту.

Бул инновациялык стартап марафону студенттердин кыялдарын ишке ашыруу, чыгармачыл жана инновациялык идеяларды колдоо, жаштарды технология, бизнес жана социалдык ишкердик чөйрөлөрүнө бириктирип, инновациялык долбоорлорду ишке ашыруу үчүн катализатор болууга багыттоо максатында уюштурулду.

Аталган иш-чарада студенттер учурдагы көйгөйлөрдү гана чечпестен, коомдун өнүгүшүнө дагы салым кошкон долбоорлорду түзүүнүн жолдорун үйрөнүштү. Ошондой эле, технологиялык инновациялардан баштап экология жана социалдык өнүгүү долбоорлоруна чейинки ар кандай идеялар көрсөтүлдү.

Иш-чара Кыргызпатент жана бизнес өкүлдөрүн камтыган тажрыйбалуу калыстар тобу тарабынан колдоого алынды. Эксперттер долбоорлорду баалап, алардын потенциалын жана коомго тийгизген таасирин баалашты. Калыстар тобу тарабынан берилген упайлардын негизинде АРХ-1-20 тайпасынын студентти Муктаров Бектемир өзүнүн өзгөчө «Автоунаанын күйүү свечасын кайрадан иштетүү» долбоору жеңүүчү болуп табылды. Жыйынтыгында бул долбоорду мындан ары өнүктүрүү, анын ичинде бул долбоорго патент алуу маселелери каралды.

«Новациядан – инновацияга карай» марафону чыгармачыл жаштар үчүн аянтча гана болуп бербестен, студенттерди инновация дүйнөсүндө жаңы идеяларды издөөгө шыктандырды.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

Вход


Забыли пароль - восстановить

Нет аккаунта - создать

регистрация

Уже есть аккаунт? - войти

Восстановление

Уже есть аккаунт? - войти

up

Закрыть Закрыть