Ош технологиялык университетинин Айыл-чарба азыктарын кайра иштетүүнүн технологиясы кафедрасынын студенттери, магистранттары жана магистрлери – Шерова Айзат, Чынтураева Каныкей, Маматиса кызы Гулиза жана Адылмырза кызы Арууке эл аралык илимий-практикалык конференцияга катышып, ийгилик жаратты. “Биотехнологиянын горизонттору” аталышындагы конференция Россия Федерациясынын И.С.Тургенев атындагы Орёл мамлекеттик университети тарабынан уюштурулуп, ага жаш окумуштуулар, аспиранттар жана магистранттар катышты.

Жыйынтыгында ОшТУнун жаш окумуштуулары илимий изилдөө сынагынын негизги жеңүүчүлөрү деп табылды. Конференциянын уюштуруучулары жана жеңүүчүлөрдү аныктоо комиссиясы биздин катышуучулардын илимий иштерин эң кызыктуу деп жогору баалашты.