16:28 5 февраля 2024

Кыргыз-Өзбек эл аралык университетинде эс алуу борбору ачылды

1-февраль күнү Б.Сыдыков атындагы Кыргыз-Өзбек эл аралык университетинде мугалимдердин жана студенттердин окуудан сырткары маданий эс алуусун камсыздоо максатында атайын эс алуу борбору ачылды.

Борбордун ачылышына университеттин ректору, профессор Абдилбает Мамасыдыков, проректорлор, окутуучулар жана студенттер катышты.

Ректор Абдилбает Мамасыдыков борборду ачуунун негизги максаты мугалим менен студенттин, жетекчилик менен ар бир кызматкердин эркин пикир алмашуусуна жетише турган достук аянтчасын түзүү экенине токтолуп, бул эркиндик аянтчасын туура пайдаланып, ушул жерден окуу жайдын дүйнөдөгү топ университеттердин катарынан орун алышына жол ача турган жаңы идеялар жараларына тилектештигин билдирди.

Аталган эс алуу борборунда Кыргыз-Өзбек Эл аралык университетинин жалпы студенттери жана эмгек жамааты акысыз Wi-Fi түйүнүн, китеп, журналдарды пайдаланууга шарттар каралган. Ал эми борбордун тазалыгын, тартибин студенттик жаштар комитети көзөмөлдөйт.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
×

up

Закрыть Закрыть