Ош технологиялык университетине Өзбекстандын Мухаммед-аль-Хорезми атындагы Ташкент мамлекеттик технологиялар университетинин Фергана филиалынын өкүлдөрү түзүлгөн келишимдерге ылайык, атайын иш сапар менен келишти.

Делегация менен ректор Жанболот Турсунбаев жолугуп, пикир алышты. Жолугушууда эки тараптуу өнөктөштүктү өнүктүрүү, алдыдагы кызматташуунун стратегияларын биргеликте иштеп чыгуу, профессордук-окутуучулар курамы арасында тажрыйба алмашууларды колго алуу, академиялык мобилдүүлүктөрдү ишке ашыруу жана илим-билим жаатындагы байланыштарды өнүктүрүү туурасында маселелер талкууланды.

Эл аралык билим берүү мейкиндигинде биргелешип аракет кылуу максатында аталган окуу жайдын окутуучулар курамы табигый-техникалык факультетинин информатика кафедрасында 2024-жылдын март айына чейин болушуп, Python, маалыматтар базасы жана web тиркемелер боюнча бир айлык курстан өтүшмөкчү.