2024-жылдын 20-мартында И.Раззаков атындагы КМТУда президент Садыр Жапаров тарабынан демилгеленген «Жашыл Мурас» улуттук акциясынын алкагында иш-чара өттү.

Иш-чараны билим берүү жана илим министринин орун басары М.Касымалиев жана ректор М.Чыныбаев ачышты.

Катышуучулар арасында студенттер, окутуучулар жана башкы корпустун кызматкерлери гана эмес, филиалдар да онлайн кошулуп, кампустарда ар кандай бак-дарактар отургузулду.

Жыл сайын өтүүчү иш-чара экологиялык туруктуулукту жана жашыл чөйрөнү жайылтууга көмөктөш болот.