Муса Рыскулбеков атындагы Кыргыз экономикалык илимий-изилдөө университети жана Карабүк университети (Түркия) ортосунда академиялык кызматташуу меморандумуна кол коюлду.

Жолугушуунун жүрүшүндө эки университеттин ортосундагы кызматташтыктын потенциалдуу багыттары жана биргелешкен долбоорлор боюнча мүмкүн болгон изилдөөлөр талкууланды. Протоколдун алкагында студенттер менен кызматкерлердин алмашуусу, биргелешкен иш-чаралар жана долбоордук илимий-изилдөөлөр пландаштырылууда.

Тараптар кызматташтык эки боордош өлкөнүн окуу жайларына билим жана тажрыйба алмашуу аркылуу билим берүү тармагында маанилүү кадамдарга баруусуна салым кошооруна ишенээрин белгилешти.

Ректор Алмаз Кадыралиев да сапардын урматына Карабүк университетинин Ардак китебине кол койду.