К.Карасаев атындагы Бишкек мамлекеттик университети «Профессор Т.И.Ишемкуловдун мамлекеттик, коомдук-саясий, дипломатиялык, педагогикалык жана чыгармачылык ишмердүүлүгү» деген темадагы Эл аралык илимий-практикалык конференциясын өткөрдү.

Иш-чара профессордун 85 жылдык мааракесине, ошондой эле Маалымат жана басма сөз күнүнө арналды.

Конференциянын алкагында профессордун жаңы «Өтүп кеткен мезгилдердин жаңырыгы» аттуу китебинин бет ачары да болуп өттү.

Конференциянын уюштуруучулары:

– К.Карасаев атындагы Бишкек мамлекеттик университети

– М.В.Ломоносов атындагы Москва мамлекеттик университети

– П.Лумумба атындагы Россиянын Эларалык достук университети

– Аль-Фараби атындагы Казак улуттук университети

– Мирзо Улугбек атындагы Өзбекстандын Улуттук университети

Конференциянын максаты — профессор Тилектеш Ишемкуловдун мамлекеттик, коомдук-саясий, дипломатиялык, педагогикалык жана чыгармачылык тармактардагы көп кырдуу эмгегин ар тараптуу иликтөө, илимий идеялар жана тажрыйбалар менен алмашуу үчүн ачык аянтча түзүү. Иш-чаранын жүрүшүндө заманбап илим, билим берүү, дипломатия жана журналистиканын актуалдуу маселелери талкууланып, профессордун илимий жана практикалык мурасынын бүгүнкү коом үчүн мааниси аныкталды.

Бул иш-чарага ар кандай өлкөлөрдөн келген окумуштуулар, окутуучулар, изилдөөчүлөр, журналисттер жана коомдук ишмерлер катышып, кесиптик диалог жана эл аралык кызматташуу үчүн өзгөчө мүмкүнчүлүк түзүлдү.