Кыргыз Республикасынын gремьер-министри Сапар Исаков 19-сентябрда, С.Нааматов атындагы Нарын мамлекеттик университетинин ишмердүүлүгү менен таанышып, профессордук- окутуучулук жамааты жана студенттери менен жолугушту.

Премьер-министр Сапар Исаков студентерге жаңы өкмөттүн программасында билим берүү тармагын жакшыртууга өзгөчө көңүл бурулганын баса белгиледи.

«Билим алууда дайыма изденүү жолунда жүргөн жакшы. Ушул маалда жаштардын ар тараптуу өнүгүүсүнө жакшы шарттар түзүлгөн. Жогорку окуу жайлардын системасын оӊдоо маселелерин биргеликте чечишибиз керек»,- деди Сапар Исаков.

Премьер-министр Сапар Исаков менен студенттердин суроо- жооп баарлашуусу эки сааттан ашыкка созулуп, билим берүү жана аны реформалоо, тышкы- ички саясат, азыркы кыргыз тилинин келечеги, сыртта окуган кыргыз студенттерге колдоо көрсөтүү, жаштар саясаты маселеси, интернеттин пайдалуу жагы жана зыяны, жумушсуздук жана башка суроолор козголуп, ар бирине Өкмөт башчы кенен жооп берди.