22-ноябрда Тарых жана социалдык-укуктук билим берүү факультетинин студенттик өкмөтүнүн студенттери Ата-Бейит мемориалдык комплексинин ачылышына себепкер Бүбүра Кыдыралиевага арнап кайрымдуулук ишин өткөрүштү.

Студенттер алгач көргөзмө уюштуруп, ага өздөрүнүн колунан жасалган даамдуу тамак-аштарды коюшту. Көргөзмөдөн кийин Ч.Айтматов атындагы чоң жыйындар залында концерттик кече тартуулашты.

Б.Кадыралиеваны жаңы кыргыз тарыхындагы эң кайгылуу барактардын бирин ачууга кошкон салымын эскерип илимий баяндамалар окулду жана студенттер ага арнап чыгарган ырларынан көркөм окушту.