Ош технологиялык университетинин ректору, тарых илимдеринин доктору, профессор Абдыкадыр Абидов жана Технология жана жаратылышты пайдалануу факультетинин деканы химия илимдеринин кандидаты, профессор Дүйшөнали Жорокулов 2018-жылдын 5-12-май күндөрү Борбордук Азиядагы билим берүү программасынын алкагында Азия мамлекеттеринин делегациясынын курамында Германия мамлекетинде уюштурулган окуп-таанышууга барып келишти.

Иш-сапардын жүрүшүндө Берлин технологиялык университети жана Дрезден техникалык университети менен кызматташуу Меморандумуна кол коюлуп, эки тараптуу академиялык мобилдүүлүк боюнча макулдашууларга жетишилди. Ушул программанын алкагында окуу жайдын Технология жана жаратылышты пайдалануу факультетинин Азык заттар жана айыл-чарба азыктарынын технологиясы кафедрасынын 3 лабораториясына 2 млн 700 миң  сомдук жабдыктар ушул жылдын сентябрь айына чейин келүүсү күтүлүүдө.