ОшТУнун технологиялык колледжинде орто кесиптик билим берүүнүн 12 адистиги боюнча Билим берүү программаларын жана уюмдарын аккредитациялоо агенттиги (ААОПО) көз карандысыз аккредитациядан өткөрдү.

Эксперттик комиссия материалдык-техникалык базалар менен таанышып, билим берүү процессин уюштуруу, жеткиликтүүлүгүн камсыз кылуу иш-аракеттерине байкоо жүргүзүштү.

Текшерүүлөрдүн жүрүшүндө студенттер, ата-энелер, окутуучулар, бүтүрүүчүлөр, социалдык партнерлор менен маектешүүлөрдү өткөрүп, окутуучулардын сабактарына катышышты.

Жыйынтыгында Билим берүү программаларын жана уюмдарын аккредитациялоо агенттигинин (ААОПО) эксперттери жалпы жыйын уюштурушуп, орто кесиптик боюнча 12 адистик 5 жылдык мөөнөт менен ийгиликтүү аккредитациялоодон өткөндүгүн маалымдашты.