Ош мамлекеттик университетинин жамааты каражат топтоп, 24 саат үзгүлтүксүз иштөөчү 7 даана кычкылтек концентраторун Ош шаардык ооруканасына тапшырды. Ага кошумча учурда зарыл болгон медициналык каражаттар: 6 даана кварц лампасын, кандагы кычкылтектин деңгээлин, сатурациясын өлчөөчү 6 даана пульсоксиметр, 6 даана пульверизатор жана 140 даана респиратордук беткап да берилди.

Мындан сырткары, окуу жайдын 5 жатаканасында уюштурулган ооруканада иштеп жаткан 51 медкызматкерге түшкү тамак берилип жатат.

Бейтаптарга медициналык жардам берүү максатында Ош мамлекеттик университетинде түзүлгөн резервдик тобундагы 9 дарыгер-ординатор Чоң-Алай районунда, 10 медицина кызматкери Кара-Кулжа районунда, 5 дарыгер-ординатор Ош шаарындагы «Газпром» спорт комплексинде уюштурулган күндүзгү стационарда, 45 медкызматкер ОшМУнун медициналык клиникасында иштеп жатышат.