Билим АКИpress - Улуу Ата Мекендик согуштагы Жеңиштин 80 жылдыгын майрамдоонун алкагында Биринчи май районунун жалпы билим берүү уюмдары арасында «Биз Улуу Жеңиштин мураскерлерибиз» аттуу кароо-сынак өттү.

Сынакка 9 мектеп катышып, 3 номинация боюнча ат салышты: «Мыкты музей», «Мыкты видео» жана «Мыкты команда».

Командалар окуу жылында аткарган коомдук пайдалуу иш-чаралары жөнүндө айтышты.

«Жеңиштин мураскерлери» сынагынын жыйынтыгында:

• «Мыкты музей» номинациясы боюнча 1-орунду №27 мектептин командасы, 2-орунду №49 мектеп, 3-орунду №18 мектеп-гимназиясы ээледи;
• «Мыкты видео» номинациясында 1-орун №69 мектептин командасына, 2-орун №54 мектепке, 3-орун №49 мектептин командасы ыйгарылды;
• «Мыкты команда» номинациясында 1-орунду №54 мектеп, 2-орунду №49 мектеп-гимназия, 3-орунду №6 мектеп алды.

Катышуучулар төмөнкү критерийлер боюнча бааланды: коомдук пайдалуу иштердин мааниси, эмгектин натыйжалуулугу жана окуучулардын патриоттук духун жогорулатууга кошкон салымы.

Учурда Биринчи май районундагы 5 мектепте — №№6, 15, 18, 27 жана 49 — Аскердик даңк музейи иштеп жатат, 2 мектепте — №54, №99 мектептер — аскердик даңк бурчтары ачылган.

⇳