Бүгүн Ош технологиялык университетинде “Биз 21-кылымдын интеллектуалдарыбыз” эл аралык жаш ойлоп табуучулар кароо-сынагы өттү.

Иш-чара Ош облустук балдар чыгармачылык борбору тарабынан уюштурулуп, Ош технологиялык университетинин колодоосунда өттү.

Сынакка Ош областынын райондорунан, мектептерден окуучулар катышып, жалпысынан 100дөн ашуун жаш ойлоп табуучулар катышты.

"Иш-чараны өткөрүүнүн максаты — республикалык жаш ойлоп табуучулар кароо-сынагына балдарды тандап алуу", - дейт Ош облустук балдар чыгармачылык борборунун усулдук уюштуруу бөлүмүнүн башчысы Гүлмира Турдубаева.