Ошто 12 жаштагы Айжамалдын операциясы үчүн волейбол боюнча кайрымдуулук мелдеши өттү.
Иш-чарага ар тармакта эмгектенген инсандар, расмий коноктор, волейбол сүйүүчүлөр катышты. Турнирге өлкөнүн түштүк аймагындагы облустарынан 30га жакын команда катышып, жыйынтыгында 25 жаштан жогору курактагы кыз-келиндер арасында ОшМУнун «Биримдик» командасы 1-орунду, ал эми 40 жаштан жогорку курактагы кыз-келиндер арасында ОшМУнун «Флагман» командасы 3-орунду багынтышты.
ОшМУнун 40 жаштан жогорку курактагы кыз-келиндер командасы буга чейин бир нече жолу чемпион аталышкан.