18-январда М.Адышев атындагы Ош технологиялык университетинде профессордук-окутуучулар курамынын жана кызматкерлердин, факультеттер жана структуралык бөлүмдөр ортосунда спорттун 10 түрү боюнча аялдар жана эркектер арасында спартакиада башталды.
Волейбол, баскетбол, стол тенниси, тогуз коргоол жана шахмат боюнча мелдештерге окуу жайдын бардык факультетинен жана институт, колледжден 10 команда катышууда.
Мелдештер 18-27-январь күндөрү окуу жайдын спорт залында өтөт.
Жеңүүчүлөрдү сыйлоо аземи 31-январда болот. Бул жылы спартакиадага акчалай жана баалуу сыйлыктар коюлду.