Өзгөчө кырдаалдар министрлигинин Жарандык коргонуу адистерин даярдоо жана кайра даярдоо борборунун жамааты Ош технологиялык университетине атайын иш сапар менен келди.

Университеттин ректору, доцент Ж.Турсунбаев менен жолугушуп, келечекте окуу жай менен аталган борбордун ортосундагы кызматташтык тууралуу маселелер каралды. Борбордун кызматкерлери «Жашоо-тиричилик коопсуздугу» кафедрасынын жалпы жамааты даярдап жаткан инженер-куткаруучу багыты боюнча материалдык-техникалык база менен таанышып чыгышты. Жашоо-тиричилик коопсуздугу багытында билим алып жаткан келечектеги инженер-куткаруучуларга бул кесип менен эмгек жолдорун улантып жаткан инженерлер бул кесиптин өзгөчөлүгүн, врачтар сыяктуу эле адам өмүрүн сактоо биринчи милдет экендигин белгилеп өтүштү. Эки тараптуу түзүлгөн келишимдерге ылайык, мындан ары өлкөнүн өзгөчө кырдаалдар учурундагы талап кылынуучу жогорку квалификациялуу адистерди биргелешип даярдоо жолго коюлмакчы.