Учурда эл аралык билим берүү тармагында жогорку окуу жайлардын эл аралык рейтингге катышуусу жана билим сапатынын деңгээли, академиялык бедел абитуриенттердин окуу жайларды тандоосу, иш берүүчүлөрдүн окуу жайга берген баасы, илимий макалалар актуалдуу маселелерден болууда. Бул багытта Ош технологиялык университетинде «Веб-импакт, академиялык репутация, ОшТУнун QS рейтингине кирүүдөгү ролу жана ага кирүүгө даярдык» аттуу темада семинар болуп өттү.

Иш-чарада ОшМУнун рейтинг секциясынын башчысы Тотобаев Максат практикалык мазмундагы баяндама жасады. Ошондой эле баяндамачы бүгүнкү эл аралык рейтингдин келечекте билим берүүгө тийгизген таасири, өнүгүүгө карай көрүлгөн иш-аракеттер жөнүндө да белгилеп өттү.

Семинар суроо-жооптор менен коштолуп, алдыдагы максат-милдеттер айтылды.