Кыргыз Республикасы менен Өзбекстан Республикасынын ортосундагы дипломатиялык мамиленин 30 жылдыгына карата өткөрүлө турган иш-чаралардын алкагында 3-4-октябрь күндөрү «Достук» ордендүү Б.Сыдыков атындагы Кыргыз-Өзбек эл аралык университетинин базасында Кырыгызстандын жана Өзбекстандын жогорку окуу жайларынын ректорлорунун биринчи эл аралык форуму уюштурулат.

Форумга Кыргызстандын жогорку окуу жайларынан 40 ректор, Өзбекстандын жогорку окуу жайларынан 40 жетекчи катышат.

Мындан тышкары, Кыргызстандын жана Өзбекстандын билим берүү жана илим министрлери, Кыргызстандын Өзбекстандагы элчиси, Өзбекстандын Кыргызстандагы элчиси, КР мамлекеттик катчысы катышат.

2 күнгө созулган форумда эки өлкөнүн жогорку окуу жайларынын жетекчилери билим берүү жана илим изилдөө ж.б. багыттар боюнча эки тараптуу келишимдердин түзүлүшүнө мүмкүнчүлүк табышат.