19-апрелде Муса Рыскулбеков атындагы Кыргыз экономикалык илимий-изилдөө университетиниин Экономика жана сервис колледжинде Кыргыз Республикасынын Конституциясынын 30 жылдыгына арналган «Эгемен Кыргызстан: жаштар жана заманбап чакырыктар» аталышында эл аралык, ЖОЖдор аралык студенттердин илимий-практикалык конференциясы болуп өттү.

Кыргыз Республикасынын Конституциясынын ролун жана анын маанисин, жаштардын мүмкүнчүлүктөрүн, азыркы Кыргызстандагы көйгөйлөр жана келечекке болгон көз караштарын талкуулоо максатында уюштурулган конференциянын жүрүшүндө төмөнкү маселелер талкууланды:

1. Эгемен Кыргызстандагы экономикалык жана саясий-укуктук процесстер.

2. Мамлекет менен бийликтин, коомдун жана инсандын актуалдуу маселелери: жаштардын көз карашы.

3. Санариптик мейкиндикте жаштардын социалдык активдүүлүгү.

4. Жашыл экономика жана туруктуу өнүгүү.

5. Уюмду башкаруу тармагындагы заманбап чакырыктар.

6. Кыргызстандагы туризмдин көйгөйлөрү жана келечеги.

7. Студенттик өзүн-өзү башкаруу жана жаштардын кесиптик карьерасын башкаруу.

8. Коомдук тамактануу тармагындагы өндүрүштүн инновациялык технологиялары.

9. Жаштар жана ишкердик.

Иш-чараны КЭУнун ректору А.Кадыралиев, илим жана мамлекеттик тил боюнча проректору, доцент Г.Супаева ачып беришти. Андан тышкары, пленардык жыйында чакырылган коноктор баяндама жасашты:

• Шерипов Нурлан Турганбекович, юридика илимдеринин доктору, профессор, Кыргыз Республикасынын Улуттук илимдер академиясынын мүчө-корреспонденти;
• Мамыталы кызы Камила, Кыргыз Республикасынын Конституциялык сотунун Аппаратынын укуктук жана уюштуруучулук камсыздоо бөлүмүнүн консультанты

Маселелерди талкуулоого Казакстандын жана Кыргызстандын төмөнкү окуу жайларынын студенттери катышты:

• Ал-Фараби атындагы КазНУ колледжи.
• Актөбө жогорку политехникалык колледжи, Казакстан Республикасы
• Ж.Баласагын атындагы Кыргыз улуттук университети.
• МУКтун Бишкек инновациялык колледжи
• М.Т. Ибрагимов атындагы Кара-Балта техникалык-экономикалык колледжи
• Кыргыз-Орус (Славян) университетинин колледжи (КРСУ)
• Бишкек архитектура, курулуш менеджменти колледжи

Жыйынтыгында резолюция кабыл алынды. Бардык катышуучуларга сертификаттар, баяндамалардын илимий жетекчилерине ыраазычылык каттар тапшырылды.